२०८१ मंसिर १९, बुधबार १२:५१
सीताराम विवाहपञ्चमीको अवसरमा जनकपुरधामस्थित जानकी मन्दिरमा १०८ मिटर लामो ध्वज (चुनरी) चढाइएको छ ।
जनकपुरधाममा शोभा यात्रा पश्चात चुनरी माता जानकीलाई चढाइएको हो । भारत, सुरतको जीन माता ट्रस्टले पठाएको उक्त चुनरी माता जानकीलाई चढाएको सीताराम गौशाला जनकपुरधामका अध्यक्ष मनोज रुंगटाले जानकारी दिए ।
उनले भने, ुजीन माता ट्रस्टले अहिलेसम्म ४७५ मन्दिरमा यतिधेरै लामो ध्वज चढाएको छ । जानकी मन्दिरमा पनि चढाउने मन भएपछि ध्वज पठाएको थियो । आज चढायौं । यो हामी जनकपुरवासीका लागि सौभाग्य हो ।ु
चुनरी चढाउन निकालिएको शोभायात्रामा नेकपा एमालेकी सांसद जुली महतो पनि सहभागी थिइन् । उनले १०८ मिटरको चुनरी माता जानकीलाई चढाएकोमा खुशी व्यक्त गरिन् ।
